تاکید سراج الدین مهرالدین بر نقش مهم افغانستان در امنیت آسیای مرکزی
-
تاجیکستان از تلاش دولت افغانستان در تامین امنیت و صلح حمایت می کند
وزیر خارجه تاجیکستان گفت: تاجیکستان به خوبی از نقش مهم افغانستان در تامین امنیت در سراسر منطقه آسیای مرکزی آگاه است و همیشه از ابتکارات سازنده جامعه جهانی برای تامین صلح و ثبات و بازسازی اقتصادی و اجتماعی این کشور حمایت می‌کند.
به گزارش رادیو تاجیکی صدای خراسان، سراج الدین مهر الدین وزیر خارجه تاجیکستان در دیدار با رییس شورای عالی مصالحه ملی افغانستان در دوشنبه با اعلام حمایت کشورش از تلاش های دولت افغانستان در زمینه تامین امنیت و صلح و ثبات در این کشور ابراز امیدواری کرد: مذاکرات صلح بین افغان ها زمینه محکمی را برای استقرار صلح و آرامش در این کشور رنج دیده فراهم کند.
عبدالله عبدالله نیز در این دیدار با اشاره به تهدید افزایش گروه های تروریستی و افراطی و تشدید رقابت های ژیوپلتیکی برای وضعیت کنونی و آینده کشورهای منطقه بر ضرورت چاره اندیشی های مشترک برای از بین بردن پایگاه تروریست ها و گروه های سازمان یافته قاچاق مواد مخدر تاکید کرد.
وزیر امور خارجه تاجیکستان و رئیس شورای عالی مصالحه ملی افغانستان همچنین با ابراز رضایت از افزایش روابط سیاسی بین دو کشور همکاری دوشنبه و کابل را در چارچوب سازمان های بین المللی و منطقه ای از قبیل سازمان ملل متحد، سازمان همکاری های شانگهای و سازمان همکاری اسلامی موفق ارزیابی کردند.
رییس شورای عالی مصالحه ملی افغانستان در سفر رسمی خود به تاجیکستان با نخست وزیر و رییس مجلس نمایندگان تاجیکستان نیز دیدار کرده است.
بیشتر بخوانید:
