اسکان هزاران پناهنده افغانی در مرز تاجیکستان

سخنگوی استاندار بدخشان تاجیکستان از اسکان حدودهزار پناهنده افغانستانی در این منطقه خبر داد.

به گزارش رادیو تاجیکی صدای خراسان به نقل از یکی از منابع خبری اسیای مرکزی «غالب نیت بیک اف» به دلایل امنیتی، محل اسکان پناهندگان را اعلام نکرد، اما گفت  بیشتر آنها زنان، کودکان و افراد مسن هستند.

بنابر سخنان وی، نمایندگان کمیساریای عالی پناهندگان سازمان ملل، دفتر سازمان ملل در امور امنیت ودفتر هماهنگ کننده دائم سازمان ملل در تاجیکستان ضمن دیدارو گفتگو با «یادگار فیض اف» استاندار بدخشان تاجیکستان از دولت این کشور برای پذیرفتن پناهندگان افغانی تشکرکردند.

سخنگوی استاندار بدخشان تاجیکستان افزود:نمایندگان سازمان های بین المللی تاکید کردند،که پذیرش پناهندگان افغانستانی، به ویژه در شرایط وخیم منطقه وشیوع دوباره کرونا در تاجیکستان نمونه‌ای از احساس انسان دوستی ومسئولیت پذیری مقامات تاجیکستان است.

یادگارفیض اف هم در این جلسه اظهار کرد:مقامات منطقه‌ای بدخشان تاجیکستان نیزبا تمام امکانات دولتی و کمک های مردمی سعی می کنند با همکاری سازمان های بین المللی  به پناهندگان افغانستانی خدمت رسانی کنند.

 

 5 ژوئیه نیروهای مرزبانی کمیته امنیت ملی تاجیکستان در مورد پناه آوردن1037 نظامی افغانستانی به خاکی این کشور خبر داده بود.