شبه نظامیان طالبان به خاک تاجیکستان یا آسیای میانه وارد نمی شوند

هیأت نمایندگی طالبان در دیدار با نماینده ویژه دولت روسیه درامور افغانستان گفتند،هرگز به خاک تاجیکستان و یا کشورهای آسیای مرکزی وارد نمی شوند.

به گزارش رادیو تاجیکی صدای خراسان،هیأت نمایندگی گروه طالبان به سرپرستی «شهاب‌الدین دلاور» که برای رایزنی با مقامات روسی به مسکو رفتندبا «ضمیر کابولوف» نماینده ویژه رئیس جمهور روسیه در امور افغانستان دیدار و گفتگو کردند.

شهاب‌الدین دلاور پس از دیدار با کابولوف گفت: به روسیه اطمینان دادیم،در هیچ شرایطی وارد خاک تاجیکستان یا کشورهای حوزه آسیای مرکزی نخواهیم شد.

دلاور در ادامه افزود: گروه طالبان همچنین به روسیه و دیگر کشورهای جهان اطمینان می‌دهد امنیت سفارتخانه‌ها، کنسولگری‌ها و دفاتر نمایندگی روسیه و کشورهای خارجی را تأمین خواهد کرد.

رئیس هیأت نمایندگی گروه طالبان در ادامه افزود: «ما قول می‌دهیم گروه تروریستی داعش را در خاک افغانستان ریشه کن کنیم».

بیشتر بخوانید:

• گروه طالبان: داعش در پی شکست از طالبان به آمریکایی‌ها پناه برده است

• حملات هوایی ارتش افغانستان به مواضع طالبان

• صدها کشته و زخمی دستاورد حمله طالبان به قندوز