فعالیت کنسولگری تاجیکستان در مزارشریف ادامه می یابد

با وجود تعطیلی نمایندگی های سیاسی اکثر از کشورهای خارجی درشهر مزار شریف مرکز ولایت بلخ افغانستان کنسولگری تاجیکستان به فعالیت خویش ادامه خواهد داد.

به گزارش رادیو تاجیکی صدای خراسان به نقل ازسامانه اسپوتنیک، به دلیل تشدید درگیری ها دراطراف شهرمزارشریف میان گروه طالبان و نیروهای دولتی افغانستان اکثراز کشورهای خارجی با تعطیلی کنسولگریهای خویش کارمندان را به کابل منتقل کرده اند.

اما مقامات ولایت بلخ می گویند که تنها کنسولگری تاجیکستان همچنان به فعالیت خویش درمزارشریف ادامه می دهد.

کنسولگریهای تاجیکستان تا سال 2016 درشهرهای قندوز و فیض آباد افغانستان فعال بودند که به دلایل امنیتی بسته شده اند.

اکنون تنها نمایندگی سیاسی این کشور درشمال افغانستان درمرکزولایت بلخ به کارخویش ادامه می دهد. سفارت تاجیکستان درشهرکابل پایتخت افغانستان نیزفعال می باشد.

طی هفته های اخیر گروه طالبان به تشدید حملات خویش اکثرازمناطق مرز مشترک افغانستان با تاجیکستان را تحت کنترل گرفته اند.

بیشتر بخوانید :

• تاجیکستان ۲۰ هزار نظامی را راهی مرز با افغانستان می‌کند