توسعه همکاری ها،محور گفتگو های مقامات نظامی تاجیکستان و پاکستان
مقامات نظامی تاجیکستان و پاکستان بر تقویت همکاری های دوجانبه تاکید کردند.
به گزارش رادیو تاجیکی صدای خراسان، وزیردفاع تاجیکستان دردیدار با فرمانده ارتش پاکستان راه های گسترش همکاری‌های نظامی و دفاعی دوجانبه رابررسی کرد.
همچنین دراین دیدارمقامات نظامی دوکشوردرمورد وضعیت امنیتی نواحی مرزی تاجیکستان وافغانستان رایزنی و برای اجرای اقدامات مشترک با هدف حفظ صلح و ثبات منطقه‌ای توافق کردند.
بنا براعلام روابط عمومی ارتش پاکستان ژنرال«شیرعلی میرزا» درمقرستاد فرماندهی ارتش پاکستان درشهرراولپندی با«ژنرال قمر جاوید باجوا» ملاقات کرد.
ژنرال باجوا فرمانده ارتش پاکستان در این دیداربا قدردانی از تلاش‌های تاجیکستان در ارتقاء سطح ارتباطات منطقه‌ای گفت: پاکستان برای روابط برادرانه خود با تاجیکستان اهمیت زیادی قائل است.
وزیر دفاع تاجیکستان نیز ازاقدامات پاکستان با هدف حفظ صلح و ثبات منطقه‌ای، به ویژه درکشورافغانستان تشکر کرد.
ژنرال«شیرعلی میرزا» افزود:تاجیکستان همکاری خود را با مقامات پاکستانی برای حفظ و صلح و ثبات در منطقه ادامه می دهد.
دیدار با ژنرال ندیم رضا رئیس ستاد مشترک ارتش پاکستان از دیگر برنامه های سفروزیر دفاع تاجیکستان به پاکستان بود.
بیشتر بخوانید:
