ساخت اردوگاه برای پناهندگان افغانستانی درناحیه جیحون تاجیکستان

رییس ولایت ختلان گفت:اردوگاهی برای اسکان پناهندگان افغانستانی درناحیه جیحون ساخته می شود.

به گزارش رادیو تاجیکی صدای خراسان به نقل ازسامانه تاج ویک، قربان حکیم زاده این مطلب را درنشست خبری درشهرکولاب اعلام کرد.

وی گفت: به این منظوربودجه مورد نیازازمنابع مالی ولایت ختلان اختصاص داده شده است.

او اظهار کرد، این اردوگاه را وزارت کارهای داخله تاجیکستان با هماهنگی سازمانهای امدادی بین المللی می سازد.

اما رئیس ولایت ختلان درباره تعداد پناهندگان احتمالی افغانستانی که دراین اردوگاه اسکان داده می شوند ابرازنظرنکرد.

به گفته حکیم زاده پیش از این هم 207 نفرازنظامیان افغانستانی نیزکه درپی درگیری با گروه طالبان وارد ولایت ختلان شده بودنددرمحلی اسکان یافتنداما پس ازچند روزبا هماهنگی مقامات افغانستان این افراد ازشهرکولاب به کابل منتقل شدند.

بیشتر بخوانید:

• گروه طالبان روادید سفر رانندگان تاجیک به افغانستان را لغوکرد

• شبه نظامیان طالبان به خاک تاجیکستان یا آسیای میانه وارد نمی شوند