خروج اشرف غنی از افغانستان+فیلم
منابع خبری از خروج اشرف غنی از افغانستان و ورود به تاجیکستان خبر می دهند.
به گزارش رادیو تاجیکی صدای خراسان، شبکه تلویزیونی طلوع نیوز افغانستان گزارش داد: اشرف غنی به همراه چند تن از اعضای کابینه، افغانستان را ترک کرده و وارد تاجیکستان شده است.
در همین حال روزنامه آیشا پلاس تاجیکستان، ضمن تایید ورود اشرف غنی و حمدالله محب مشاور امنیت ملی و محمود فضلی رئیس اداره امور ریاست جمهوری افغانستان به دوشنبه پایتخت تاجیکستان،نوشت: غنی و همراهانش این کشور را به مقصد کشوری دیگر ترک کرده اند.
مقامات دولتی در کابل در این خصوص سکوت اختیار کرده اند اما "عبدالله عبدالله" رئیس شورای عالی مصالحه ملی افغانستان در توئیتی خبر خروج غنی از افغانستان را تایید کرد.
طالبان پس از تصرف بخش بزرگی از خاک افغانستان هم اکنون پشت دروازه های کابل مستقر شده و اعلام کرده است، قصد ورود به این شهر را ندارد.
به گفته مقامات دولتی در افغانستان، در پی توافق با طالبان وزارتخانه های دفاع و کشور تا تشکیل دولت انتقالی مسئولیت تامین امنیت کابل پایتخت افغانستان را عهده دار خواهند بود.
بیشتر بخوانید:
