اعلام نظر وزارت امورخارجه تاجیکستان درباره تشکیل دولت طالبان درافغانستان
وزارت امور خارجه تاجیکستان اعلام کرد،هیچ دولتی را که بدون همه پرسی و نمایندگان همه اقوام تشکیل شود، به رسمیت نمی شناسیم.
به گزارش رادیو تاجیکی صدای خراسان به نقل از خاور، این مطلب دراولین نشست مجازی وزرای خارجه کشورهای همسایه افغانستان – تاجیکستان، ترکمنستان، ازبکستان، پاکستان، ایران و چین بیان شد.
شرکت کنندگان دراین نشست تاکید کردند که جامعه بین المللی با همکاری کشورهای منطقه باید مسئولیت مهم صلح، ثبات و بازسازی در افغانستان را بر عهده گرفته و به آنها کمک اهای اقتصادی و بشردوستانه لازم را ارائه کند.
سراج الدین مهرالدین، وزیر امور خارجه جمهوری تاجیکستان هم در این جلسه گفت: برای رسیدگی فوری به مشکلات سیاسی و امنیتی کشور همسایه، لازم است برای تشکیل دولت جامع با مشارکت همه اقوام و اقلیت های ملی تلاش شود.
وزیر امور خارجه تاجیکستان تاکید کرد ما هیچ دولتی را که بدون همه پرسی و نمایندگان همه اقوام تشکیل شود، به رسمیت نمی شناسیم.
