تلاش اسلام اباد برای تنش زدایی بین تاجیکستان و طالبان

منابع خبری پاکستان با اشاره به تماس تلفنی سران تاجیکستان و پاکستان،گفتند:عمران‌خان در تلاش برای تنش‌زدایی میان دوشنبه و دولت موقت طالبان است.

به گزارش رادیو تاجیکی صدای خراسان به نقل از ایران انلاین عمران خان در  تماس تلفنی با «امامعلی رحمان» رئیس جمهور تاجیکستان درباره روابط دوجانبه و آخرین تحولات مرتبط با افغانستان تبادل نظر کرد.

منابع دیپلماتیک در پاکستان گفتند: این تماس در حالی انجام شد که مقامات طالبان و دولت تاجیکستان علیه یکدیگر موضع گرفتند.

برخی گزارش ها نیز از برگزاری رزمایش نیروهای تاجیکستان در اوایل هفته به منظور قدرت‌نمایی در مناطق هم مرز با افغانستان حکایت دارد و در مقابل طالبان نیز هزاران نیرورا به مرز با همسایه شمال شرقی خود یعنی تاجیکستان اعزام کرد.

در تماس تلفنی سران پاکستان و تاجیکستان، طرفین توافق کردند که تلاش‌ها را برای حمایت از ثبات افغانستان هماهنگ کنند.

 تاجیکستان موضع سختی در قبال طالبان اتخاذ کرده و ازنقض حقوق بشر این گروه به ویژه در ولایت پنجشیر انتقاد کرده است.

اما طالبان انتقاد تاجیکستان را دخالت در امور داخلی افغانستان تلقی کرده است.

تاجیک‌ها دومین قومیت بزرگ در افغانستان را تشکیل می دهندحدود۲۷ درصد از جمعیت افغنستان تاجیک هستند.