سفیرآمریکا درتاجیکستان :بالگردهای افغانستان به طالبان پس داده نمی شود

سفیرآمریکا دردوشنبه اعلام کردبالگردهای دولت پیشین افغانستان که پس ازسقوط کابل به تاجیکستان انتقال داده شد،به حکومت طالبان تحویل نمی ‌دهد.

به گزارش رادیو تاجیکی صدای خراسان به نقل ازسامانه اوستا، مارک پامیرشایم این مطلب را درنشست خبری اخیردردوشنبه عنوان کرد.

وی بدون اشاره به تعداد بالگردهای منتقل شده دولت پیشین افغانستان پس ازسقوط کابل به تاجیکستان تاکید کرد آمریکا این تجهیزات را به حکومت طالبان تحویل نمی ‌دهد.

او افزود:اما پیش از این راب لودویک، یکی ازسخنگویان وزارت دفاع امریکا هم گفته بود،۱۸فروند بالگرد حکومت پیشین افغانستان درتاجیکستان است.

سفیرآمریکا دردوشنبه اعلام کردبا کمک 60 میلیون دلاری آمریکاطی دو سال اینده یک پاسگاه جدید درمرزتاجیکستان با افغانستان ساخته و4 پاسگاه مرزی تعمیروبازسازی خواهد شد.

مارک پامیرشایم، همچنین یک پایگاه جدید برای وزارت دفاع تاجیکستان درمرزمشترک با افغانستان وازبکستان ساخته خواهد شد که امکان خدمت برای 900 نظامی تاجیک واقامت اعضای خانواده های آنان را فراهم می کند.