دیدار رئیس جمهور جمهور تاجیکستان با نخست وزیر پاکستان
-
دیدار رئیس جمهور جمهور تاجیکستان با نخست وزیر پاکستان
امامعلی رحمان، رئیس جمهور جمهوری تاجیکستان با شهباز شریف، نخست وزیر جمهوری اسلامی پاکستان دیدار و گفتگو کردند.
به گزارش رادیو تاجیکی صدای خراسان، امامعلی رحمان، رئیس جمهور تاجیکستان در تاریخ 13 اکتبر با شهباز شریف، نخست وزیر جمهوری اسلامی پاکستان در شهر آستانه جمهوری قزاقستان، در حاشیه کنفرانس همکاری و اقدامات اعتمادسازی در آسیا دیدار و گفتگو کردند.
در این دیدار طیف وسیع موضوعات همکاری میان تاجیکستان و پاکستان مورد بحث و بررسی قرار گرفت.
امامعلی رحمان، این دیدار را فرصتی مناسب برای گفت و گو در مورد وضعیت و چشم انداز روابط دو کشور خواند و اظهار داشت که ما همواره توجه جدی به روند ملاقات ها و رایزنی های تاجیکستان و پاکستان در عرصه و سطوح مختلف نشان می دهیم.
در این دیدار طرفین در خصوص توسعه و گسترش بیشتر روابط سودمند همه جانبه، ثبات و تعمیق بیشتر روابط اقتصادی و تجاری، حمل و نقل، گسترش پروژه های انرژی، تقویت همکاری های سیاسی، امنیتی و نظامی-فنی تبادل نظر کردند.
برای دستیابی به اهداف سازنده، تقویت کار کمیسیون مشترک بین دولتی همکاری های تجاری، اقتصادی، علمی و فنی، گروه های کاری مشترک نفت و گاز، انرژی، شورای تجاری مشترک، همایش تجاری تاجیکستان و پاکستان و تشکیل شورای مشترک شرکت های کشتیرانی دو کشور ضروری تلقی شد.
در این دیدار در چارچوب همکاری های امنیتی، طرفین در مورد اقدامات موثر مقابله با تروریسم، افراط گرای، قاچاق مواد مخدر و دیگر مظاهر جنایات سازمان یافته فرامرزی گفتگو کردند.
در نهایت امامعلی رحمان، از شهباز شریف، نخست وزیر جمهوری اسلامی پاکستان دعوت کرد تا در فرصتی مناسب با سفر رسمی به تاجیکستان سفر کند.
