دیدار وزیر خارجه تاجیکستان با سفیر جدید افغانستان در دوشنبه
سفیر جدید افغانستان در تاجیکستان استوارنامه خود را به وزیر امور خارجه این کشور تحویل داد.
به گزارش رادیو تاجیکی به نقل از سایت وزارت امور خارجه تاجیکستان، سراج الدین اصل اف وزیر امور خارجه تاجیکستان در دوشنبه در دیدار با زلمای یونسی سفیر جدید افغانستان بر ضرورت گسترش روابط تاجیکستان و افغانستان در زمینه های اقتصادی و تجاری ، حمل و نقل ، انرژی و آموزشی تاکید کرد.
دو طرف در این دیدار فعال شدن کمیسیون مشترک همکاریهای اقتصادی و تجاری تاجیکستان و افغانستان را خواستار شدند.
اوضاع افغانستان، مسایل مرز مشترک دو کشور و همکاری نهادهای امنیتی و انتظامی تاجیکستان و افغانستان برای مبارزه با گروههای قاچاق مواد مخدر از دیگر محورهای گفتگو میان دو طرف بود.
زلمای یونسی سفیر جدید افغانستان درتاجیکستان دانش اموخته رشته حقوق است و قبلا مشاور استاندار بلخ در شمال افغانستان بوده است.
یونسی جانشین عبد الغفور آرزو شد که ماه نوامبر گذشته دوره ماموریت وی به پایان رسید.