از سرگیری مذاکرات برای توافقنامه ترانزیتی تاجیکستان، افغانستان و پاکستان

پس از دو سال تأخیر در امضای توافقنامه ترانزیتی «تاجیکستان-افغانستان- پاکستان» مذاکرات برای گسترش مبادلات مالی و کالایی بین این کشورها از سر گرفته شد.

به گزارش رادیو تاجیکی صدای خراسان به نقل از خبرگزاری فارس، «عمر زاخیلوال» سفیر افغانستان در اسلام آباد در دیدار  با «اسحاق دار» وزیر دارایی پاکستان درباره ازسرگیری مذاکرات برای گسترش مبادلات تجاری میان کشورهای منطقه توافق کردند.

این نخستین نشست پس از شرط «اشرف غنی» رئیس جمهوری افغانستان محسوب می‌شود که  دو سال قبل از دولت پاکستان خواسته بود به طرح توافقنامه سه جانبه ترانزیتی تاجیکستان- افغانستان- پاکستان، هند را نیز الحاق کند.

مشکل به امضا نرسیدن توافقنامه ترانزیتی  «تاجیکستان-افغانستان- پاکستان» آوریل سال 2015 در سفر رئیس جمهوری افغانستان به هند آشکار شد.

اشرف غنی آن زمان در ملاقات با «نارندرا مودی» نخست وزیر هند گفته بود: چنانچه اسلام آباد برای دسترسی هند به افغانستان مانع ایجاد نکند، به این کشور برای دسترسی به بازار تاجیکستان کمک خواهد کرد.

توافقنامه ترانزیتی تاجیکستان- افغانستان- پاکستان در سال‌های اخیر از موضوعات محوری دیدار رؤسای جمهوری  این سه کشور بوده است.

امضای این توافقنامه می‌تواند زمینه انتقال آسان و ارزان کالا را از آسیای جنوبی به تاجیکستان فراهم کند.