حمله مسلحانه به تاجیکستان؛ عامل تأخیر در مذاکرات مسکو
اسپوتنیک نوشت حمله روز 26 اوت طالبان به شهروندان تاجیکستان موجب تأخیر در مذاکرات مسکو پیرامون افغانستان شده است.
به گزارش رادیو تاجیکی صدای خراسان؛ خبرگزاری روسی اسپوتنیک با درج مقالهای به پیامدهای حمله مسلحانه به گروهی از شهروندان تاجیکستان در شهرستان فرخار پرداخته و نوشته است که این حادثه موجب ایجاد وقفه در روند آمادگی به مذاکرات مسکو پیرامون افغانستان شده است.
بر اثر این حمله دو شهروند تاجیکستان کشته شده و یک نفر به شدت زخمی شد.
مقامات تاجیکستان اعضای طالبان را عامل حمله مسلحانه به شهروندان این کشور اعلام کردند.
برخی از منابع هم این حمله را کار قاچاقچیان مواد مخدر دانستهاند.
پیش از این حمله، طالبان پاسگاه آیخانم در امتداد مرز میان افغانستان و تاجیکستان را به تصرف خود درآورد و 10 نیروی مرزبانی افغان را به قتل رساند.
یک روز پس از حمله شهروندان تاجیکستان، عبدالقیوم کوچی سفیر افغانستان در مسکو به دیدار ایگور مرگلاف، معاون وزیر خارجه روسیه رفت و بلافاصله وزارت خارجه روسیه به تأخیر افتادن مذاکرات صلح افغانستان را اعلام کرد.
قرار بود مذاکرات صلح افغانستان با حضور طالبان و دولت افغانستان روز چهارم سپتامبر در مسکو برگزار شود.