Баррасии таҳаввулоти минтақа дар дидори вазири хориҷаи Эрон бо валиаҳди Арабистон

Порстудей - Таҳаввулоти минтақа дар дидори вазири умури хориҷаи Эрон бо валиаҳди Арабистони саъӯдӣ баррасӣ ва бар аҳамияти тақвияти амнияту субот дар минтақа таъкид шуд .

Ба гузориши Порстудей ба нақл аз хабаргузории Садо ва Симо ,Сайидаббоси Ироқчӣ-вазири умури хориҷаи Эрон дар дидор бо  Муҳаммад бин Салмон оли Сауд,валиаҳди Арабистон дар Ҷадда , аз Арабистони саъӯдӣ ба хотири мавзеи ин кишвар дар маҳкӯм кардани ҳамлаи низомии режими Исроил зидди Эрон талошҳои Риёз барои тақвияти амнияту субот дар минтақа қадрдонӣ кард.
Валиаҳди Арабистони саъӯдӣ низ ибрози умедворӣ кард, ки тавофуқи оташбас байни Эрон ва режими саҳюнистӣ ба эҷоди шароите барои тақвияти амнияту субот дар минтақа кумак кунад.