Ҳамлаи мушакии Яман ба сарзаминҳои ишғолии Фаластин

Порс Тудей - Артиши режими саҳюнистӣ аз ҳамлаи мушакии Яман ба сарзаминҳои ишғолии Фаластин хабар дод.

Шабакаи телевизионии Ал-Маёдин низ гузориш дод, ки пас аз партоби мушак аз Яман, бонги хатари ҳамлаи ҳавоӣ дар минтақаҳои васеъе аз Фаластини ишғолӣ ба садо даромад.

«Фаластин ал-Он» низ аз шунида шудани садои инфиҷорҳое дар шаҳраки Қалқилия ва Тел-Авив хабар дод. Дар ҳамин ҳол артиши режими саҳюнистӣ иддао кард, ки ин садоҳои инфиҷорӣ ношӣ аз талоши дифои ҳавоии режими саҳюнистӣ барои раҳгирии мушакҳо будааст.

Шабакаи телевизионии Ал-Ҷазираи Қатар ҳам ба нақл аз артиши режими саҳюнистӣ эълом кард, ки сомонаҳои дифои ҳавоии артиши Исроил, мушакеро, ки аз Яман шиллик шуда буд, раҳгирӣ ва мунҳадим карданд.

Нерӯҳои мусаллаҳи Яман тайи моҳҳо ва рӯзҳои гузашта дар вокуниш ба тадовуми ҷиноятҳои ваҳшиёнаи режими саҳюнистӣ дар навори Ғазза ва қатли оми мардуми бегуноҳи Фаластин, даҳҳо фарванд мушак ва паҳподро ба самти Фаластини ишғолӣ партоб кардаанд. /ИРНА