НАТО як маркази фармондеҳии ҷадид дар шарқи Аврупо эҷод кард

Порс Тудей - Пас аз иддаоҳои нақзи ҳарими ҳавоии Лаҳистон аз сӯи паҳподҳои Русия, дабири кулли НАТО аз эҷоди маркази фармондеҳии ҷадид дар шарқи Аврупо хабар дод.

Mark Rutte, дабири кулли Созмони Паймони Атлантики Шимолӣ (НАТО) рӯзи ҷумъа дар Брюссел гуфт: Беэҳтиётии Русия дар ҳаво дар имтидоди шарқ ба таври афзоянда дар ҳоли афзоиш аст.

Rutte бо баёни ин ки вазифаи аслии НАТО ҷилавгирӣ аз таҷовуз ва дифоъ аз ҳамаи аъзои он дар баробари таҳдидот аст, эълом кард: НАТО маркази фармондеҳии шарқиро роҳандозӣ мекунад, то мавзеи худро дар имтидоди ҷиноҳи шарқии худ ҳатто бештар тақвият кунад.

Alexus Grynkewich, фармондеҳи олии нерӯҳои муттафиқини Аврупо низ гуфт: Эҷоди маркази фармондеҳии ҷадид дар шарқи Аврупо инъитофпазир ва чолок хоҳад буд ва боздорандагӣ ва дифои мутамарказтареро дақиқан дар замон ва макони мавриди ниёз пешниҳод медиҳад.

Лаҳистон пештар эълом кард, ки ин кишвар ва муттаҳидонаш дар НАТО, паҳподҳои русиро, ки дар ҷараёни таҳоҷум ба Украина ҳарими ҳавоии Лаҳистонро нақз карда буданд, сарнагун кардаанд. Вазорати дифои Русия рӯзи чоршанбе эълом кард, ки нерӯҳояш дар ҳоли ҳамла ба Украина будаанд ва қасди ҳамла ба ҳеҷ ҳадафе дар Лаҳистонро надоштаанд. / ИРНА