Кореяи Шимолӣ: Таслиҳоти ҳастаӣ кафолати амният дар баробари Амрикост

Порс Тудей - Намояндагии Кореяи Шимолӣ дар Созмони Милал дар вокуниш ба ғайриқонунӣ хондани таслиҳоти атомии ин кишвар аз сӯи Амрико эълом кард: Таслиҳоти ҳастаӣ гузинаи иҷтинобнопазир ва кафолати амнияти мо дар баробари таҳдидҳои атомии Амрикост.

Дар баёнияи намояндагии Кореяи Шимолӣ дар Созмони Милал омадааст: Мо талоши Амрикоро барои халъи силоҳи ҳастаии Пхенян ба унвони иқдоми таҳрикомез ва дахолат дар умури дохилии худ ба шиддат маҳкум ва нигаронии ҷиддии худро дар мавриди пайомадҳои манфии ношӣ аз он изҳор мекунем.

Ин баёния меафзояд: Дар ҳоле ки Вашингтон доштани таслиҳоти ҳастаиро тавассути Кореяи Шимолӣ ғайриқонунӣ хондааст, ин Амрикост, ки бо анбошти ифротии ин силоҳҳо, системаи байналмилалии ишоаи ҳастаиро заиф мекунад.

Дар идомаи ин баёния бо ишора ба мухолифати Кореяи Шимолӣ бо ҳар гуна талоше барои тағйири вазъияти феълии ин кишвар аз назари таслиҳоти ҳастаӣ, омадааст: Дар Қонуни асосии Кореяи Шимолӣ бар мавзеи ин кишвар дар бораи моликияти силоҳи ҳастаӣ тасреҳ шудааст ва ин мавзеъ бозгаштнопазир аст. /ИРНА