Натиҷаҳои як назарсанҷӣ: 57 дарсади саҳюнистҳо мухолифи ишғоли шаҳри Ғазза ҳастанд

Порс Тудей - Пойгоҳи хабарии саҳюнистии "Валла" бо истинод ба натиҷаҳои як назарсанҷии тоза гузориш дод, ки 57 дарсади саҳюнистҳо мухолифи ишғоли шаҳри Ғазза ҳастанд ва бар ин боваранд, ки ин иқдом метавонад равобити режими саҳюнистиро бо кишварҳои арабии ба истилоҳ "миёнарав" дар маърази хатар қарор диҳад.

Созмони радио ва телевизиони режими Исроил низ ба нақл аз як манбаи амниятӣ таъкид кард, ки ба далели ба бунбаст расидани музокироти оташбас, оғози амалиёти низомии ҷадид дар Ғазза ногузир аст.

Артиши режими саҳюнистӣ дар сеюми сентябр (12 шаҳривар) ҳамлае ба номи "Аробаҳои Гидеон 2"-ро барои ишғоли комили шаҳри Ғазза оғоз кард, ки ин амр интиқодҳо ва эътирозҳоро дар даруни режими Исроил барангехт ва боиси нигаронӣ дар бораи ҷони асирон ва низомиёни саҳюнист шуд.

Ин иқдоми режими саҳюнистӣ ҳамчунин бо мавҷи маҳкумият аз сӯи шахсиятҳо, сиёсатмадорон, кишварҳо ва ниҳодҳои байналмилалӣ рӯ ба рӯ шудааст.

Ҷараёни оппозитсия дар режими саҳюнистӣ борҳо таъкид кардааст, ки Бинёмин Натаняҳу барои тӯлонӣ кардани ҷанг дар Ғазза ва радди пешниҳодҳои оташбас талош мекунад, то манофеи сиёсии худ, ба вижа идомаи ҳаёти ҳукуматашро кафолат диҳад. /ИРНА