Гонконг ва Ню-Йорк мизбони филмҳои эронӣ шуданд
Филмҳои эронӣ дар ду ҷашнвораи дар ҳоли баргузории Гонконг ва коргардонҳои ҷадид, филмҳои ҷадиди Ню-Йорк ҳузур доранд.
47-умин ҷашнвораи филми Гонконг аз 30 март то 10 апрел дар ҳоли баргузорӣ аст ва филмҳои "Тафриқ" сохтаи Монии Ҳақиқӣ ва "Ҷанги ҷаҳонии сеюм" сохтаи Ҳумани Саидӣ дар ин рӯйдод ба намоиш дармеоянд.
"Ҷанги ҷаҳонии сеюм", ки намояндаи расмии синамои Эрон дар шохаи беҳтарин филми байналмилалии Оскар 2023 буд, пас аз ҳузури муваффақ дар ҷашнвораи Венетсия ва касби ду ҷоизаи беҳтарини филму бозигари бахши уфуқҳо, дар 35-умин давраи ҷашнвораи байналмилалии филми Токио, ҳаштумин давраи ҷашнвораи филми ҷаҳони Осиё дар Лос Анҷелес ва ҷашнвораи филми Стокҳолми Шветсия низ ҳузури муваффақе дошт.
"Ҷанги ҷаҳонии сеюм" дар феҳристи филмҳои ҷашнвораи Палм-Спрингс 2023 низ қарор гирифту ахиран се ҷоизаи аслии беҳтарин филм, коргардонӣ ва бозигари мард (Муҳсини Танобанда)-ро аз ҷашнвораи филми Белгрод дар кишвари Сербия ва ду ҷоиза аз ҷашнвораи Фрибурги Швейтсария дарёфт кардааст.
Филми "Тафриқ"ҳам пеш аз ин дар ҷашнвораҳое чун Лондон ва Торонто ҳузур доштааст.
52-умин ҷашнвораи коргардонҳои ҷадид, филмҳои ҷадиди Ню-Йорк ҳам аз 29 март то 9 апрел дар Амрико дар ҳоли баргузорист ва филми синамоии "Бародарони Лайло" сохтаи Саиди Рӯстоӣ ва филми кӯтоҳи "48 соат", сохтаи Озодаи Мӯсавӣ дар ин ҷашнвора ҳузур доранд.
