Бозтоби сафари Раисӣ ба Амрикои лотин дар расонаҳои ғарбӣ

Расонаҳои ғарбӣ ва англисизабон сафари раиси ҷумҳӯрии Эрони исломӣ ба Венесуэла ва Амрикои лотинро бо адабиёт, вокунишҳо ва шеваҳои мутафовит бозтоб доданд.

Ба гузориши радиои тоҷикии Садои Хуросон, сафари Иброҳими Раисӣ, раиси ҷумҳӯри Эрони исломӣ ба кишварҳои Амрикои лотин мавриди тавваҷуҳи вижаи расонаҳои англисизабон қарор гирифта ва ҳар кадом ба шеваи хоси худ ба ин сафари муҳим вокуниш ва бозтоб доданд.
Шабакаи « Эй би си ниюс »и Амрико бо ташреҳи барномаҳои рӯзи нахусти сафари Раисӣ ба Венесуэла ва имзои қарордодҳои байни ду кишвар навишт: Раисӣ бо ишора ба Амрико гуфт Эрону Венесуэла душмани муштараке доранд.

Хабаргузории Райтери Англия низ бо ишора ба афзоиши ҳамкориҳои Эрону Венесуэла дар солҳои ахир ва нақши муассири муҳандисони эронӣ дар таъмир ва ба рӯзрасонии полоишгоҳҳои нафтии Венесуэла бо унвони « Эрону Венесуэла бо имзои қарордодҳое дар бахши петрошимӣ равобити тиҷории худро афзоиш медиҳанд » имзои қарордодҳои дируз байни ду кишварро мавриди тавваҷуҳ қарор дод .

Алмонитор : Раиси ҷумҳӯри Эрон дар иқдому ҳамлаи зиддиамрикоӣ ба Венесуэла, Куба ва Никарагуа сафар кард.

Франс 24 дар гузорише зимни ишора ба ҷузъиёти сафари Раисӣ ба Венесуэла изҳороти раиси ҷумҳӯри Венесуэла ва Раисӣ дар нишасти матбӯотии муштарак дар Каракасро ба сурати комил пушиш дод ва ба нақли аз Раисӣ титр зад, ки « Эрону Венесуэла душманони муштараке доранд . »

Хабаргузории Анатолияи Туркия бо баёни инки дар авҷи таҳримҳои шадиди Амрико ин нахустин сафари Раисӣ ба Венесуэласт титр зад : Раиси ҷумҳӯри Эрон ба Венесуэла рафт, то бар равобити қавӣ ва муҳками ду кишвар таъкид кунад .

Шабакаи Алҷазира бо титри « Раисӣ дар тӯри Амрикои ҷанӯбӣ ба дунболи равобити роҳбурдӣ аст » навишт : Ҳадафи Эрону Венесуэла афзоиши ҳамкориҳо дар бахшҳои кишоварзӣ, илмӣ,фановарӣ, киштиронӣ, худравсозӣ, гардишгарӣ, афзоиши парвозҳо ва тақвияти равобити фарҳангӣ аст .
Хабаргузории Фаронса : Раисӣ, раиси ҷумҳӯри Эрон ба Куба, Венесуэла ва Никарагуа сафар кард ; кишварҳое ки таҳти таҳримҳои Амрико ҳастанд .
Хабаргузориҳову вебсайтҳои « радиои Озоди Аврупо,Араби ниюс,Ёҳуниюс, Аларабия, Эй ов эй-и Испания, ТАРТ-ии Туркия » низ аз ҷумлаи расонаҳое ҳастанд, ки сафари раиси ҷумҳӯри Эрон ба Венесуэларо пушиш доданд.