Муҷассамаи "Сарбози Сосонӣ" ба сафорати Эрон дар Лондон таҳвил шуд
Кордори сафорати Эрон дар Англия эълом кард, муҷассамаи мавсӯм ба "сарбози Сосонӣ", ки наздик ба ҳафт соли пеш аз Эрон ба Англия қочоқ шудааст, барои ирсол ба кишвар таҳвили сафорати Эрон дар Лондон шуд.
Ба гузориши радиои тоҷикии Садои Хуросон ба нақл аз ИРНА, Саидмаҳдии Ҳусайнии Матин, кордори сафорати Эрон дар Лондон рӯзи ҷумъа бо интишори паёме дар Твиттер навишт: Муҷассамаи “сарбози Сосонӣ”, ки қочоқӣ вориди Англия шуда буд пас аз исботи моликият барои Эрон, ба муддати се моҳ дар мӯзейи Британия ба амонат намоиш гузошта шуд.
Вай афзуд, ин асри бостонии арзишманд, рӯзи ҷумъа расман ба сафорати Ҷумҳурии исломии Эрон дар Лондон таҳвил дода ва ба зуддӣ ба Эрон ирсол хоҳад шуд.
Муҷассамаи сангии марбӯт ба давраи Сосониён мавсӯм ба "сарбози Сосонӣ" 16 январи 2016 дар фурудгоҳи Станстеди Лондон кашфу забт шуда буд.
