Дидори мақомоти низомии Эрон ва Арабистон дар Маскав

Мақомоти низомии Ҷумҳурии Исломии Эрон ва Арабистони Саъудӣ барои нахустинбор пас аз беҳбӯди муносиботи дуҷониба дар Маскав дидор карданд.

Ба гузориши рӯзи чаҳоршанбеи Ирно, Амир сартип «Азиз Насирзода» ҷонишини раиси Ситоди кулли нерӯҳои мусалаҳи Ҷумҳурии Исломии Эрон, ки барои ширкат дар рӯйдодҳои байналмиллалии низомӣ-амнияти Русия ба Маскав сафар кардааст, дар ҳошияи ин Иҷлос бо  ҷонишини вазири дифоъи Арабистон дидорр ва гуфтугӯ кард. Дар ин дидор, тарафайн бар иродаи дукишвар ҷиҳати иҷроӣ кардани тавофуқоти ахир дар заминаи эҳё ва тавсиаи равобит таъкид ва онро дар ростои манофеъи думиллат ва кишварҳои минтақа ва ҷаҳони ислом арзёбӣ карданд.

Мақомоти низомии Эрон ва Арабистон бо таъкид бар нақши нерӯҳои мусалаҳ дар эҳё ва тавсиаи равобитии дукшвар, тадовуми гуфтугӯҳо ва дастёбӣ ба тарҳ ва нақшаи роҳи муносиб дар ин ҳавзаро зарӯри донистанд. Амир сартип Насирзода рӯзи душанбе дар нахустин рӯзи сафари худ ба Маскав дар намоишгоҳи маҷмаъи байналмиллалии фаннӣ-низомии Русия мавсум ба орми Форум 2023 ҳузӯр ёфт ва дидорҳое низ бо бархе мақомоти ширкаткунанда дошт.

Намоишгоҳи байнамиллалии низоми ва дифоъии Русия 15 то 21 августи 2023 дар парки Потерют, ғарби Маскав, баргузор мешавад.