Дурахшиши озодкорони Эрон дар бозиҳои Осияёии Ҳонгжоу
Тими миллии гуштии озоди Эрон ба 3 медоли тилло ва як медоли нуқраи бозиҳои Осияёии Ҳонгжоуи Чин расид.
Дар вазни 125 килограми гуштии озоди Осияёии Ҳонгжоу, Амирҳусайни Зореъ тавонист дар дидори финоли имрӯз (шанбе) ҳарифи муғулии худро бо натиҷаи 7 бар сифр бибарад ва ба медоли тиллои ин мусобиқот даст ёбад.
Медоли тиллои Зореъ, сездаҳумин медоли тиллои корвони варзишии Эрон дар бозиҳои Осияёии Ҳонгжоу буд.
Ҳасани Яздонӣ низ дар финоли вазни 86 килограми мусобиқот муқобили ҳарифе аз Ҳинд бо натиҷаи 10 бар 0 ба пирӯзӣ расиду соҳиби гардани овези тилло шуд.
Юнуси Амонӣ низ дар вазни 74 килограм бо пирӯзии муқобили руқабои худ ба медоли тилло расид.
Муҷтабо Галиҷ , низ дар финоли вазни 97 кило муқобили гиштигири рус ва қаҳрамони ҷаҳон аз Баҳрайн 6 бар 1 шикаст хӯрд ва ба медоли нуқра расид.
