Раисиҷумҳури Эрон: Агар ҷиноёти режими саҳюнистӣ мутаваққиф нашавад саҳнаи ҷанг тавсеа меёбад

Раиси Ҷумҳурии Исломии Эрон дар гуфтугӯ бо раисиҷумҳури Фаронса гуфт, агар ҷиноёти режими саҳюнистӣ, аз ҷумла куштори мардуму муҳосираи Ғазза мутаваққиф нашавад, вазъият печида мешаваду саҳнаи ҷанг тавсеа меёбад.

Ба гузориши ИРНА, Муҳаммади Ҷамшедӣ, муовини умури сиёсии дафтари раисиҷумҳури Эрон рӯзи якшанбе аз гуфтугӯи телефонии Саидиброҳими Раисӣ ва Эммануэл Макрон, раисони ҷумҳурии Эрону Фаронса хабар доду афзуд, Раисӣ дар посух ба тамоси телефонии Макрон тасреҳ кардааст, агар ҷиноёти режими саҳюнистӣ, аз ҷумла куштори мардуму муҳосираи Ғазза мутаваққиф нашавад, вазъият печида мешаваду саҳна тавсеа меёбад.