Футболисти Эрон; Беҳтарин голзани осиёӣ дар соли 2023
Ҳамлакунандаи тими миллии футболи Эрон, беҳтарин голзани сол 2023 дар байни бозикунони осиёӣ шуд.
Ба гузориши радиои тоҷикии Садои Хуросон, Федератсияи байналмилалии таърих ва омори футбол (iffhs) радабандии беҳтарин голзанони осиёии соли 2023-ро муаррифӣ кард, ки бар ин асос Маҳдии Торимӣ-ҳамлакунандаи тими миллии футболи Эрон бо ба самар расондани 31 гол, бартарин голзани сол дар байни бозикунони осиёӣ будааст.
Ин муҳоҷими 31 сола дар соли гузаштаи мелодӣ (2023) 19 гол дар рақобатҳои мухталиф барои Порто ба самар расонд ва дар канори он 12 гол ҳам барои тими миллии Эрон зад.
Кёго Фурухаси-муҳоҷими Селтик ва тими миллии Ҷопон ва Умар Алсума-муҳоҷими Аларабӣ ва тими миллии Сурия ҳамонанди Торими дар соли 2023 муваффақ ба самар расондани 31 гол барои тими миллии кишварашон ва тими бошгоҳишон шудаанд, аммо муҳоҷими эронӣ ба хотири омори беҳтар дар радаи миллӣ дар садри ин радабандӣ қарор гирифт.
