Роҳёбии мардони баскетбол бо вилчери Эрон ба ниманиҳоии қаҳрамонии Осиё

Дар ҳафтумин рӯз аз рақобатҳои баскетбол бо вилчер (аробаи маълулӣ)-и қаҳрамонии Осиё ва Уқёнусия, тими миллии баскетбол бо вилчери мардони Эрон дар марҳалаи якчаҳоруми ниҳоӣ муқобили тими Афғонистон ба бартарӣ даст ёфту роҳии ниманиҳоӣ шуд.

Ба гузориши хабаргузории “Эрон Пресс”, тими миллии баскетбол бо вилчери Ҷумҳурии исломии Эрон рӯзи панҷшанбе дар марҳалаи якчаҳоруми ниҳоӣ муқобили тими Афғонистон ба майдон рафт ва муваффақ шуд бо натиҷаи 81 бар 41 пирӯзи ин дидор бошад ва ба марҳалаи ниманиҳоӣ суъуд кунад.

Миллипӯшони эронӣ имрӯз - ҷумъа дар марҳалаи ниманиҳоӣ ба масофи барандаи дидори Таиланд ва Ҷопон хоҳанд рафт.

Пеш аз ин ва дар марҳалаи гуруҳӣ, тими миллии баскетбол бо вилчери мардони Эрон баробари тимҳои Кореяи Ҷанубӣ, Таиланд, Ҷопон ва Чин ба пирӯзӣ расид ва муқобили Австралия натиҷаро вогузор кард.

Рақобатҳои қаҳрамонии Осиё ва Уқёнусия аз 12 то 22 январ ба мизбонии кишвари Таиланд бо ҳузури ёздаҳ тим дар бахши мардон дар ҳоли баргузорӣ аст ва тими қаҳрамони ин давра аз мусобиқот саҳмияи паралимпики Порисро касб хоҳад кард.