Таъкиди Эрон ва Арабистон бар густариши равобити дуҷониба
-
Таъкиди Эрон ва Арабистон бар густариши равобити дуҷониба
Раиси Шӯрои роҳбурдии равобити хориҷии Эрон ва сафири Арабистон дар Теҳрон бар густариши равобити дуҷониба таъкид карданд .
Эрон ва Арабистон пас аз ду соли музокира ва гуфтгў бо мизбонии Ироқ ва Уммон , даҳуми марти 2023 ва пас аз мулоқот ва гуфтугӯи чанд рӯзаи масъӯлони ниҳодҳои амнияти миллии ду кишвар дар Пекан , бо интишори баёнияе аз тавофуқи Теҳрон ва Риёз барои одисозии равобити худ хабар доданд .
Ду кишвар аз соли 2016 равобити дипломотикашонро қатъ карда буданд .
Ба гузориши Ирно, дар дидори рӯзи якшанбе « Камоли Харрозӣ » раиси Шӯрои роҳбурдии равобити хориҷии Эрон ва « Абдуллоҳ бен Сауд ал- Анзӣ » , сафири Арабистон дар Теҳрон бо ишора ба аз саргирии равобити ду кишвар , бар азми мақомоти оли рутбаи Эрон ва Арабистон бар густариши ин равобит бар асоси зарфиятҳои қобили тавваҷуҳ дар ин бора таъкид карданд .
«Камоли Харрозӣ » ва « Абдуллоҳ бен Сауд ал- Анзӣ » дар ин дидор бар чораандешии ҷамъии кишварҳои исломӣ барои таъмини ниёзҳои мардуми Борикаи Ғазза низ таъкид карданд .
