Ҳушдори Пизишкиён:
Посухи Эрон ба ҳар хатои Исроил кубандатар хоҳад буд
Раиси Ҷумҳурии Исломии Эрон гуфт: Мо собит кардаем, ки бар сари иззату ғурури миллати Эрон бо касе шухӣ надорем ва агар режими саҳюнистӣ бихоҳад хатое муртакиб шавад, посухе ба маротиб кубандатар дарёфт мекунад.
Масъуди Пизишкиён, раиси Ҷумҳурии Исломии Эрон рӯзи чаҳоршанбе дар ҷаласаи ҳайати давлати Эрон, зимни қадрдонӣ аз амалиёти ғурурофарини шаби гузаштаи неруҳои мусаллаҳи Ҷумҳурии Исломии Эрон дар ҳадаф қарор додани марокизи низомӣ ва амниятии режими саҳюнистӣ гуфт: Ин амалиёти ифтихоромез тибқи мавозини байналмилалӣ буд ва бори дигар ғурури миллии эрониёнро ба рухи ҷаҳон кашид.
Раиси Ҷумҳурии Исломии Эрон бо таъкид бар инки ин амалиёти ғурурофарин бори дигар собит кард, “Гунбади оҳанин” иддаои саҳюнистҳо аз шиша шиканандатар аст, тасреҳ кард: Мо ба дунболи ҷанг нестам, аммо аз ҷанг ҳам намеҳаросем ва барои ҳифзи амният, иқтидору иззати мардуму Эрон ҳадду марзе намешиносем.
