Ироқчӣ: Аврупоиҳо барои оғози музокироти ҳастаӣ ибрози тамоюл карданд
Вазири умури хориҷаи Эрон бо баёни инки дар ҳоли ҳозир аз суи кишварҳои аврупоӣ ибрози алоқа барои шурӯи муҷаддади музокироти ҳастаӣ вуҷӯд дорад, гуфт: Эҳтимолан ба зуддӣ ин корро сурат хоҳем дод.
Ба гузориши Саҳоб, Саидаббоси Ироқчӣ, вазири умури хориҷаи Ҷумҳурии Исломии Эрон дар гуфтугуи телевизионӣ бо баёни инки Теҳрон барои ҳар сенарияе омодагӣ дорад, афзуд: Масири ҳастаии Эрон дар як соли оянда, ҳассос ва печида хоҳад буд ва барои ҳар нуқтае омодагӣ вуҷӯд дорад.
Ироқчӣ дар хусӯси сафарҳои минтақаии худ низ изҳор кард: Лозим буд дар шароити пас аз шаҳодати Сайидҳасан Насруллоҳ, дабири кулли Ҳизбуллоҳи Лубнон, намоише аз ҳимояти Ҷумҳурии Исломии Эрон аз муқовимат дошта бошем ва бо ҳузур дар саҳна ба дӯстонамон дар ҷабҳаи муқовимату Ҳизбуллоҳ ин итминони хотирро диҳем, ки Ҷумҳурии Исломии Эрон камокон пуштибони муқовимат аст ва эътимод ба нафаси онҳо муҷаддад эҳё шавад.
Вай бо баёни инки дар минтақаи Ғарби Осиё, фаҳми муштараку нигаронии муштарак нисбат ба таҳдидоти режими саҳюнистӣ шакл гирифтааст, тасреҳ кард: Дар иҷлоси сарони кишварҳои арабӣ ва исломӣ дар Риёз шоҳиди маҳкӯмияти ин ҳамла тавассути Муҳаммад бин Салмон, валиаҳди Арабистони Саудӣ будем.
Ироқчӣ дар бораи иддаои мулоқоти Илон Маск бо намояндаи Эрон дар Созмони милал низ гуфт: Қатъан иттифоқ наафтодааст ва ин сирфан як хабарсозӣ тавассути расонаҳои амрикоӣ буд.
Ироқчӣ дар бораи гузинаҳои кабинаи давлати Амрико ҳам изҳор кард: Эрон, сиёсатҳои худро бо таваҷҷуҳ ба манофеи худ танзим мекунад ва хеле ба ин гуфтаҳо аҳаммият намедиҳад.
