Донишгоҳи санъатии Исфаҳони Эрон барандаи медали тиллои олимпиадаи нанофанноварии Малайзия

Тими Донишгоҳи санъатии Исфаҳони Эрон дар дуюмин олимпиадаи нанофанноварии Малайзия (INO -2024) муваффақ ба касби медали тилло ва унвони “бартарини бартаринҳо” дар ин рӯйдод шуд.

Тими Донишгоҳи санъатии Исфаҳони Эрон дар дуюмин олимпиадаи нанофанноварии Малайзияи (INO-2024) бо ироаи тарҳи таҳқиқотии «тавлиди сӯхти пок аз ҳидрожен бо баҳрагирӣ аз нури хуршед» муваффақ ба касби медали тилло ва унвони “бартарини бартаринҳо” дар заминаҳои навоварӣ, фанноварӣ ва бозор шуд.

Намояндагони Эрон, Таиланд, Малайзия, Ҳонг-Конг ва Тайван дар дуюмин олимпиадаи нанофанноварии Малайзия дар Куалалумпур ба муддати 2 рӯз бо ироаи тарҳҳои илмиву тиҷорӣ дар ҳавзаи нано бо ҳам рақобат карданд.

Тарҳҳои интихобии қобили ироа дар ин давра дар бораи чолишҳои ҷаҳонӣ дар заминаи корбурдҳои нанофанноварӣ дар тавсеаву тавлиди энержиҳои нав (ҷойгузин) шомили энержии бодӣ, хуршедӣ, ҳастаӣ, ҷазру мад ва сӯхти ҳидроженӣ буд.

Гуфтанӣ аст, Донишгоҳи санъатии Исфаҳони Эрон бо ҳудуди 10 ҳазору 500 донишҷӯ ва 500 узви ҳайати илмии яке аз донишгоҳҳои бартари ин кишвар аст.