Насби насли ҷадиди сомонаи эронии ҷарроҳии роботик дар Индонезия

Порс-Тудей. Намунаҳои сеюму чаҳорум аз сомонаи эронии ҷарроҳии роботик аз роҳи дури «Сино» дар шаҳрҳои Медан ва Макасари Индонезия вориди фози омӯзишӣ шуданд.

Ҷарроҳони индонезиёӣ амалкарди сомонаи эронии ҷарроҳии роботик аз роҳи дури «Сино»-ро ризоятбахш арзёбӣ кардаанд ва ба дунболи истифодаи бештар аз ин сомонаи эронӣ ҳастанд. Ба гузориши “Порс-Тудей”, ахиран намунаҳои сеюму чаҳорум аз сомонаи эронии ҷарроҳии роботик аз роҳи дури «Сино» дар шаҳрҳои Медан ва Макасари Индонезия вориди фози омӯзишӣ шуданд. Дар ин замина, илова бар 112 ҷарроҳи қаблӣ, ки дар шаҳрҳои Бандунг ва Ҷокякарта барои ҷарроҳӣ бо роботи “Сино” омӯзиш дида буданд, сад ҷарроҳи ҷадид низ дар шаҳрҳои Медану Макасар ба “Сино” пайваста ва барои гузарондани давраҳои омӯзишӣ сабтином кардаанд.

Аз ҷумлаи муваффақиятҳои чашмгири сомонаи эронии ҷарроҳии роботик аз роҳи дури «Сино», харидории ду дастгоҳ аз он тавассути кишвари Индонезия ва анҷоми аввалин фароянди намойишии ҷарроҳии роботик аз роҳи дур дар фосилаи 500 километрӣ, дар ҳузури раисиҷумҳури ду кишвар будааст. Вазорати беҳдошти Индонезия ба тозагӣ низ аз Эрон ду дастгоҳи ҷадид супориш додааст.

Бештар бихонед:

Синои Эрон; аз шикасти инҳисори роботи ҷарроҳи амрикоӣ то ҳузур дар бозорҳои ҷаҳонӣ