Эрон дар масири навоварии доруӣ; нанокомпозити зиддисаратон дар Донишгоҳи Домғон тарроҳӣ шуд

Порс Тудей - Тиме аз пажӯҳишгарони эронӣ ба ҳамроҳи донишмандони байналмилалӣ муваффақ ба тарроҳии нанокомпузите шуданд, ки бо вижагиҳои зиддисаратонӣ, антиоксидант ва антибактериалӣ, чашмандози тозае барои тавлиди доруҳои навину коромад дар ҳавзаи саломат тарсим мекунад.

Пажӯҳишгарони Донишгоҳи Домғон дар шимоли шарқи Эрон бо ҳамкории гуруҳе аз донишмандони байналмилалӣ муваффақ шудаанд, модае ҷадид бисозанд, ки метавонад дар сохти доруҳои муассир барои дармони бемориҳои мухталиф, бавижа саратон, нақши муҳимме дошта бошад.

Ба гузориши Порс Тудей ба нақл аз хабаргузории Садо ва симо, ин мода, ки «нанокомпузит» ном дорад, аз зарроти бисёр рез сохта шуда, ки бо таркиби хоси худ, вижагиҳои дармонии қобили таваҷҷӯҳе дорад.

Яке аз муҳимтарин вижагиҳои ин нанокомпузит, тавоноии он дар муқобила бо селлулҳои саратонӣ аст. Яъне метавонад ба таври мустақим бо селлулҳои носолим мубориза кунаду ҷилави рушди онҳоро бигирад. Ин вижагӣ боис мешавад, ки дар оянда битавон аз он барои сохт доруҳои зиддисаратон истифода кард.

Вижагии дувуми ин мода, хосияти антиоксидант ва антибактериалии он аст. антиоксидантҳо маводе ҳастанд, ки аз селлулҳои бадан дар баробари осебҳои ношӣ аз маводи музир муҳофизат мекунанд. Ин хосият боис мешавад, ки нанокомпозит битавонад дар пешгирӣ аз бемориҳо ва ҳифзи саломати селлулҳо муассир бошад.

Сеюмин вижагии ин мода, хосияти антибактериёии он аст. Яъне метавонад бактерияҳои музирро аз байн бибарад ва дар дармони уфӯнатҳо корбурд дошта бошад.

Ин дастоварди илмӣ, гоме муҳим дар масири тавлиди доруҳои навин ва пешрафтааст ва нишон медиҳад, ки пажӯҳишгарони эронӣ дар ҳамкориҳои ҷаҳонӣ, нақши фаъоле доранд. Агар ин мода дар озмоишҳои баъдӣ низ муваффақ амал кунад, метавонад дар оянда вориди марҳалаи тавлиди санаатӣ шавад ва дар дармони бемориҳои мухталиф мавриди истифода қарор гирад. Дастоварде, ки на танҳо ба пешрафти илми маводу шимии доруӣ кумак мекунад, балки метавонад дар ояндаи наздик илҳомбахши тарроҳии доруҳо ва дармонҳои навини зиддисаратон, зиддибактерия ва антиоксидант бошад.