Ҳамкории Эрону Русия дар энержӣ ва ҳамлунақл ба муваффақиятҳои 13 баробарӣ расид

“Порс-Тудей”, вазири энержии Русия эълом кард, пружаҳои муштараки Эрону Русия дар 11 моҳи гузашта нисбат ба соли гузашта 13 баробар муваффақтар будаву ҳамкориҳо дар ҳавзаи энержии ҳастаӣ, ҳамлунақл ва кишоварзӣ идома дорад.

Ба гузориши “Порс-Тудей”, ба нақл аз хабаргузории Илна”, Сергей Сивилёв, вазири энержии Русия дар ҳошияи нуздаҳумин иҷлоси Комиссиюни муштараки ҳамкориҳои тиҷориву иқтисодии Эрону Русия, бо ибрози ҳамдардӣ бо мардуми Эрон дар хусуси ҷонбохтгони иттифоқоти даймоҳ гуфт: “Мо комилан ишроф дорем, ин иттифоқот ба далели дахолатҳои душманон дар хориҷ аз Эрон рух додааст”.

Вай афзуд: “Дар тӯли соли ҷорӣ корро бисёр муваффақ пеш бурдем ва дар ин иҷлос тавонистем натиҷаи амалкарди соли ҷориро ҳосил кунем”.

Сивилёв афзуд, ки пружаҳои муштарак дар 11 моҳи гузашта нисбат ба соли гузашта 13 баробар муваффақтар буда ва бо ҷиддият дар ҳамкорӣ бо давлати Ҷумҳурии исломии Эрон фаъолият доранд.

Вай ба тавсеаи нерӯгоҳи атомии Бушеҳр ишора карду гуфт: Блокҳои 2 ва 3 –и нерӯгоҳи атомӣ дар ҳоли сохт асту баррасии блокҳои ҷадид ва сохти нерӯгоҳҳои ҳастаии хурд низ дар дастури кор қарор дорад.

Таҷҳизоти фази 2 ва 3 дар Русия сохта ва сипас ба Эрон мунтақил хоҳад шуд.

Тавсеаи ҳамлунақл ва амнияти ғизоӣ

Вазири энержии Русия ҳамчунин аз пружаи рейлии Рашт–Астаро хабар доду афзуд: Тавофуқот то ибтидои апрел омода ва аснод дар ҳафтаи Роҳи оҳан дар Санкт-Петербург имзо мешавад ва билофосила кори тарроҳӣ ва сохт оғоз хоҳад шуд. Вай таъкид кард, ки аз ин масир барои ҳамли маҳсулоти кишоварзии содиротӣ ва таъмини амнияти ғизоии Эрон низ истифода хоҳад шуд ва барномае барои содироти гандум ба Эрон бо ҳаҷми боло дар дастури кор аст.