Ироқчӣ: Зиёдахоҳии Амрико, монеи аслӣ дар раванди гуфтугӯҳост

Порс Тудей — Вазири умури хориҷаи Эрон дар гуфтугӯи телефонӣ бо дабири кулли Созмони Милал, бадаҳдӣ, мавзеъгириҳои зидду нақиз ва зиёдахоҳиҳои мукаррари Амрикоро омили ихлол дар раванди гуфтугӯҳо ба миёнҷигарии Покистон донист.

Ба гузориши Порс Тудей ба нақл аз ИРНО, Сайид Аббос Ироқчӣ, вазири умури хориҷаи Эрон ва Антониу Гутерриш, дабири кулли Созмони Милали Муттаҳид, телефонӣ гуфтугӯ карданд.

Дар ин гуфтугӯи телефонӣ, ки шомгоҳи ҷумъа анҷом шуд, охирин вазъи минтақа ва раванди таҳаввулоти муртабит бо дипломатия миёни Эрон ва Амрико бо миёнҷигарии Покистон мавриди табодули назар қарор гирифт.

Вазири умури хориҷаи Эрон дар ин гуфтугӯ зимни табйини охирин вазъи раванди дипломатики мавҷуд барои хотимаи ҷанги таҳмилӣ алайҳи Ҷумҳурии Исломии Эрон, собиқаҳои бадаҳдии Амрико хусусан хиёнатҳои мукаррар ба дипломатия ва таҷовузи низомӣ алайҳи Эрон ба ҳамроҳи мавзеъгириҳои зидду нақиз ва зиёдахоҳиҳои мукаррарро омили ихлол дар раванди гуфтугӯҳо ба миёнҷигарии Покистон донист ва тасреҳ кард: «Ҷумҳурии Исломии Эрон ба рағми суизанни шадид ба Амрико, бо рӯйкарде масъулона ва бо ҷиддияти тамом вориди ин раванди дипломатик шуда ва барои расидан ба натиҷаи маъқул ва одилона талош мекунад».

Дабири кулли Созмони Милали Муттаҳид низ бо нафйи тавассул ба зӯр алайҳи ҳокимият ва тамомияти арзии кишварҳо, бар зарурати пойбандӣ ба усули Маншури Милали Муттаҳид ва истифода аз роҳҳои дипломатик ба манзури барқарории сулҳ ва субот дар минтақа таъкид кард.