Изҳороти Вазорати корҳои хориҷии ҶИЭ дар бораи амалҳои таҷовузкоронаи ИМА алайҳи Эрон
Вазорати корҳои хориҷии ҶИЭ субҳи чоршанбе изҳороте нашр кард, ки дар он ҳамлаҳои ваҳшиёна ба минтақаҳои ҷануби кишвар маҳкум карда шуданд.
Тибқи иттилои Садо ва Симои Эрон, режими ИМА бо баҳонаи сарнагун кардани чархболи Апачии артиши террористии ин кишвар бар болои гулӯгоҳи Ҳурмуз шаби душанбе ҳамлаҳои ваҳшиёна ба минтақаҳои ҷануби Эрон анҷом дод. Ин ҳамлаҳо вайронкунии дағалонаи Оинномаи СММ, бахусус банди 4-и моддаи 2 ва қоидаи асосии манъи истифодаи зӯр дар муносибатҳои байналмилалӣ мебошанд ва мақомоти ҳокими ИМА бори дигар бо ин амалҳои таҷовузкорона хусусияти ҷиноятӣ ва ҷангҷӯёнаи худро нишон доданд. Дар посух ба таҷовузи низомии ИМА алайҳи Эрон ва поймол кардани ошкорои соҳибихтиёрии миллӣ ва тамомияти арзии кишвари мо, нерӯҳои мусаллаҳи пуриқтидори Ҷумҳурии Исломии Эрон бо истифода аз ҳуқуқи худ ба дифои қонунӣ, ба пойгоҳҳо ва дороиҳои ИМА дар минтақа, ки манбаи ин таҷовузҳо буданд, зарбаҳои шадид заданд.
Вазорати корҳои хориҷии Эрон, дар ҳоле ки ҷинояти таҷовузи низомии ИМА алайҳи ҶИЭ-ро шадидан маҳкум мекунад, бори дигар масъулияти ҳуқуқӣ ва ахлоқии ҳамаи кишварҳои минтақа, бахусус кишварҳои дар соҳилҳои ҷанубии халиҷи Форс ҷойгиршударо хотиррасон мекунад, то аз истифодаи қаламрав ва иншооти онҳо аз ҷониби артиши террористии ИМА ва режими саҳюнистӣ барои банақшагирӣ, ташкил, амалӣ ва дастгирии амалҳои таҷовузкорона алайҳи Эрон пешгирӣ кунад ва ҳушдор медиҳад, ки Ҷумҳурии Исломии Эрон аз истифодаи ҳуқуқи худдифоъ, аз ҷумла бо ҳадаф қарор додани манбаи ҳамлаҳо, инчунин пойгоҳҳо ва иншооти логистикие, ки барои амалисозӣ ва дастгирии амалиётҳои таҷовузкорона алайҳи Эрон истифода мешаванд, хомуш нахоҳад истод.
Вазорати корҳои хориҷии Ҷумҳурии Исломии Эрон инчунин масъулияти Созмони Милали Муттаҳид, бахусус Шӯрои Амният ва Дабири кулли онро барои ҳифзи сулҳ ва амнияти байналмилалӣ ва ба ҷавобгарӣ кашидани таҷовузкорон таъкид мекунад.
