Муттаҳиди собиқи Трамп ӯро хоин хонд

Порс Тудей — Намояндаи ҷумҳурихоҳи собиқи Конгресси Амрико ва яке аз муттаҳидони собиқ ва барҷастаи Доналд Трамп дар изҳороте тунд, иқдомоти раисиҷумҳури Амрикоро дар ҷанг алайҳи Эронро ба шиддат мавриди интиқод қарор дод ва ӯро ба хиёнат муттаҳам кард.

Ба гузориши Порс Тудей ба нақл аз ИРНО, Marjorie Taylor Greene, намояндаи ҷумҳурихоҳи собиқи Конгресси Амрико, гуфт: «Он чӣ Доналд Трамп дар тӯли ҷанг алайҳи Эрон анҷом дод, хиёнат аст».

Вай афзуд, ки Трамп ба нафъи режими Исроил кор мекунад ва на ба нафъи Иёлоти Муттаҳида.

Ин намояндаи Конгресс дар идома таъкид кард: «Ин ҷанг ба ҳеҷ ваҷҳ ба нафъи амрикоиҳо набуда; балки баракси он, даҳҳо миллиард доллар барои онҳо ҳазина доштааст».

Taylor Greene дар поёни изҳороти худ бо қотеият гуфт: «Бинобарин, ӯ як хоин аст».

Taylor Greene пештар низ дар изҳороте аз изҳороти мудохилаҷӯёнаи Доналд Трамп дар умури Эрон интиқод карда ва гуфта буд, ки тамаркузи ӯ бояд бар масоили дохилии Иёлоти Муттаҳида бошад.