Таъкиди муовини дабири кулли ИСЕСКО бар мумтозии шаҳри Машҳад
Амина Ҳаҷарӣ-муовини дабири кулли ISESCO, чаҳоршанбешаб гуфт, ба шаҳри Машҳад (шимолу шарқи Эрон) ба унвони пойтахти фарҳангии ҷаҳони Ислом дараҷаи мумтоз медиҳем.
Ба гузориши ИРНА, Амина Ҳаҷарӣ афзуд, Машҳад ба ҳеҷ ваҷҳ ниёз ба таъриф ва муаррифӣ надорад ва ҳар мусулмоне ба хусусиёти мумтоз ва мунҳасир ба фарди ин шаҳр воқиф аст.
Ҳаҷарӣ, ваҷҳи тамоюзи Машҳадро фарҳанги ғанӣ, зарфиятҳои барҷастаи таърихӣ, рафтори самимонаи мардум ва мудирияти матлуби масъулони ин шаҳр арзёбӣ кард.
Муовини дабири кулли ISESCO изҳор кард, маросими оғози барномаҳои рӯйдоди «Машҳад, пойтахти фарҳанги ҷаҳони Ислом» аз назари кайфият бисёр болотар аз ҳадди интизор баргузор гардид.
Амина Ҳаҷарӣ гуфт, ба шаҳри Машҳад ба далели вуҷуд рӯҳия маънавӣ, таомул хуб мардум ва шоистагиаҳои он ҳеҷ интиқоди ворид нест.
Муовини дабири кулли ISESCO бо баёни ин ки пеш аз ин тасаввурам аз Машҳад фақат як шаҳри мазҳабӣ сараф буд, афзуд, ончӣ дар ин сафар дидам хеле бештар аз сатҳ таваққӯъ ва интизор буд.
Барномаи Машҳад, пойтахти фарҳангии ҷаҳони Ислом дар соли 2017, рӯзи сешанбе бо ҳузур 250 шахсияти фарҳангӣ ва сиёсӣ аз 51 кишвари ҷаҳон ва мақомоти кишварӣ ва устонии Эрон дар толори Қудси ҳарами мутаҳҳари имом Ризо (ъ) дар Машҳад оғоз шуд ва рӯзи чаҳоршанбе ба поён расид.
Созмони омӯзишӣ, илмӣ ва фарҳангии (ISESCO) вобаста ба Созмони ҳамкории исломӣ ҳар сола се шаҳр аз ҳавзаи кишварҳои Африқоӣ, арабӣ ва исломии ғайри арабиро ба унвони пойтахти фарҳанги исломӣ интихоб мекунад, ки имсол дар ҳамин қолаб, шаҳри муқаддаси Машҳад ба унвони пойтахти фарҳангии ҷаҳони Ислом дар Осиё интихоб шудааст.
