Бақоӣ: Режими саҳюнистӣ бузургтарин таҳдид алайҳи амнияти минтақа аст

Порс Тудей - Сухангӯи вазорати умури хориҷаи Эрон баён кард, режими саҳюнистӣ бузургтарин таҳдид алайҳи субот, амнияту ҳамкории кишварҳои минтақа аст.

Ба гузориши Порс Тудей ба нақл аз хабаргузории Садо ва симо, Исмоили Бақоӣ, сухангӯи вазорати умӯри хориҷаи Эрон имрӯз душанбе дар нишасти хабарии худ гуфт, кишварҳои минтақа баъд аз таҳаввулоти октябри се сол қабл, шурӯи тарҳи имҳои истеъмории Фаластини ишғолӣ, наслкушӣ дар Ғазза ва ҳамалоти режими ишғолгар ба Лубнон ва бақияи кишварҳои минтақа, беш аз пеш ба ин ҷамъбандӣ расиданд, ки бузургтарин таҳдид алайҳи субот, амният ва ҳамкории кишварҳои минтақа, режими саҳюнистӣ аст.

Вай афзуд, тарҳи мавҳуми Исроили бузург, ҳамалоти режим ба Лубнон, Сурия ва таҳдидоте, ки алайҳи хеле аз кишварҳои минтақа, аз ҷумла алайҳи кишварҳое, ки дар тафоҳумномаи Покистон, Арабистону Туркия ҳузур доранд, сӯратгирифта, нишонгари тақвияти ин идрок аст, ки кишварҳои минтақа наметавонанд ҳамчун гузашта муттакӣ ба иддаои таъмини амният аз сӯи Амрико бошанд.

Амрико бахше аз иллати ноамнии минтақа аст

Сухангӯи вазорати умӯри хориҷаи изҳор кард, Амрико худ бахше аз иллати ноамнӣ дар минтақа будааст.

Бақоӣ идома дод, агар ҳимоятҳои ҳамаҷонибаи Амрико аз режими саҳюнистӣ ва пӯшиши сиёсӣ ва сипаре, ки аз лиҳози таблиғотӣ барои ин режим набуд, ин режим наметавонист ҷиноёти худро бо бекайфармонӣ дар минтақа ба пеш бибарад.

Амният дар минтақа тафкикнопазир аст

Вай таъкид кард, амният дар минтақа ҳатман тафкикнопазир аст ва ҳар тарҳе, ки мубтанӣ бар воқеъиёти торихӣ ва жиополитии минтақа бошад ва душману таҳдидро бишносад, шонси инро дорад, ки ба тақвияти амният кумак кунад.

Боз шудани тангаи Ҳурмуз манӯт ба таваққуфи иқдомоти Амрико аст

Сухангӯи дастгоҳи дипломасии Эрон бо ишора ба шурӯти Эрон барои бозгушоии тангаи Ҳурмуз унвон кард, тангаи Ҳурмуз ба хотири ихтилофи назар байни Эрону Уммон баста нашудааст. Далели он таҷовузи низомии Амрико алайҳи Эрону сӯиистифода аз тангаи Ҳурмуз буд.

Вай идома дод, табиист, музокирот байни Эрону Уммон барои таъйини масири тараддуди киштиронӣ, амре дуҷониба аст. Музокирае дуҷониба байни ду давлати соҳилӣ ва бо ҳадафи мушаххас дар хусӯси тавофуқ бар сари масири эмини киштиронӣ дар тангаи Ҳурмуз аст.

Бақоӣ тасреҳ кард, боз шудани танга манӯт ба шароите аст, ки бар танга эъмол шудааст. Мо ҳамчунон дар ҷанг ҳастем ва модоме, ки муҳосираи дарёии Амрико идома дошта бошад ва соири нақзҳои Амрико тадовум дошта бошад, шароити лозим барои инки бигуем, танга ба оброҳи амн табдил шуда, вуҷӯд нахоҳад дошт.

Вай таъкид кард, Амрико бояд иқдомотро мутаваққиф кунад то баъд дар хусӯси гомҳои баъдӣ суҳбат кунем.