Шукуҳи фарши эронӣ дар Берлин ба намоиш даромад

Дувумин намоишгоҳи «ҳунари фарши эронӣ» бо ҳузури ҷамъе аз дипломатҳои муқими Олмону алоқамандон ба фарҳангу ҳунари Эрон, дар маҳали сафорати Ҷумҳурии Исломии Эрон дар Берлин ифтитоҳ шуд.

Ба гузориши Порс Тудей ба нақл аз ИРНА, дар ин намоишгоҳ, ки рӯзи панҷшанбе бо ҳамкории сафорати Ҷумҳурии Исломии Эрон дар Олмон, маркази миллии фарши Эрон ва ҷамъе аз туҷҷору фаъолони ҳавзаи фарш дар ин кишвар ифтитоҳ шуд, маҷмӯае аз фаршҳои дастбофи эронӣ бо тарҳҳо, нақшҳо ва рангҳои мутанаввеъ дар маърази диди боздидкунандагон қарор гирифт.

Дар маросими ифтитоҳия, Маҷиди Нилӣ, сафири Ҷумҳурии Исломии Эрон дар Олмон, бо таъкид бар аҳамияти муаррифии ҳунару мероси фарҳангии Эрон аз тариқи баргузории чунин рӯйдодҳое, изҳор дошт: «Фарши эронӣ сирфан як колои тиҷорӣ нест, балки ҷилвае аз ҳувият, таъриху мероси фарҳангии Эрону намоде аз зебоӣ, сабр, пойдорӣ ва умед аст, вижагиҳое, ки дар тӯли таърих ба миллати Эрон тавони истодагӣ дар баробари зургуӣ зиёдахоҳӣ ва убӯр аз душвориҳоро бахшидааст.»

Вай бо ишора ба решаҳои амиқи торихӣ ва тамаддунии ҳунари фаршбофӣ дар Эрон, афзуд: «Фарши эронӣ танҳо гӯшае аз тамаддуни куҳану ғании Эрон аст. Шигифтовар аст, ки ҷангталабони амрикоӣ руъёи нобудии чунин тамаддунеро дар сар мепарваронанд, руъёе, ки таърих борҳои нокомии онро нишон дода ва дар оянда низ маҳкӯм ба шикаст хоҳад буд.»