Ифтитоҳи намоишгоҳи ихтисосии фарши эронӣ дар Чин
-
Қолии дастибофи эронӣ дар саросари ҷаҳон тарафдорони бисёре дорад
Аввалин намоишгоҳи ихтисосии қолии дастбофт ва ҳунарҳои дастии Эрон дар Чин ифтитоҳ шуд.
Ба гузориши ИРНА, ин намоишгоҳ бо номи «Дар ҷустуҷӯи тамаддуни Роҳи Абрешим» кори худро дар шаҳри Нанҷинги Чин оғоз кард.
Рамазони Парвоз, сарконсули Эрон дар Шанхай дар маросими кушоиши намоишгоҳ, зимни ташаккур аз баргузоркунандагони он, ба иштирокоти фарҳангии ду кишвар дар ду ҳазор соли пеш ва иртибототи эрониёну чиниён аз тариқи Роҳи Абрешим ишора карду гуфт: «Иштирокоту иртибототи тамаддунӣ дастмояи муносибе барои ҳамкориҳои ду кишвари Эрону Чин дар оянда ва дар чорчӯби тарҳи «Як камарбанд - як роҳ» хоҳад буд».
Вай бо ишора ба қарордоди бародаршаҳрӣ (хоҳархондагӣ) миёни ду шаҳри таърихии Шерози Эрон ва Нанҷинги Чин, баргузории ин намоишгоҳро нуқтаи атфе дар муаррифии зарфиятҳои болои фарҳангии тамаддуни таърихии Эрон донист.
Ин намоишгоҳ то таърихи 9 январи 2021 дар маҳалли музеи ҳунари Нанҷинг барои боздиди умумӣ барпо аст.
Бештар бихонед:
