Вашингтон Пост: Эрон қавитар аз 40 соли гузаштааст
Рӯзномаи Вашингтон пост бо ишора ба роҳбурди Трамп барои афзоиши фишор алайҳи Эрон ҳушдор дод, Эрон акнун қавитар аз ҳар замони дигаре дар 40 соли гузаштааст.
Ба гузориши хабаргузории Садо ва Симо, рӯзномаи амрикоии Вашингтон пост дар гузорише навишт, Трамп назари ҷаҳони арабро барои мавозеъи сахт алайҳи Эрон ҷалб кардааст, аммо ин риск низ вуҷуд дорад, ки Ҷумҳурии Исломии Эрон акнун қавитар аз ҳар замоне дар 40 соли гузаштааст.
Вашингтон пост афзуд, Доналд Трамп бо ҳушдори ҳафтаи гузаштаи худ, ки гуфт, Эронро дар мадори таваҷҷуҳ қарор додааст нишон дод, ки қасд дорад аз сиёсатҳои Барак Обама, ки баъд аз тавофуқи ҳастаӣ навидбахши танишзудоӣ миёни Теҳрон-Вашингтон буд, фосила бигирад.
Ин рӯзнома тасреҳ кардааст, бисёре дар минтақа акнун пешбини мекунанд, ки шароит миёни Эрон ва Амрико ба давраи Ҷорҷ Буш ақибгард кунад, ки дар он замон Амрико ва авомили Эрон даргири ҷанги ниёбатӣ дар Ироқ буданд, танишҳои суннӣ - шиа дар саросари минтақа боло гирифт ва Исроил муттаҳиди Амрико даргири ҷанги бераҳмона бо Ҳизбуллоҳ муттаҳиди Эрон дар Лубнон шуд.
Ин гузориш бо таъкид бар ин ки Амрико имрӯз бо як Эрон ба маротиб қавитар рӯбарӯ аст, меафзояд, ин кишвар ба тавоноии сохти мушакҳо даст ёфтааст, ки қодиранд пойгоҳҳои Амрико дар саросари ғарби Осиёро ҳадаф қарор диҳанд ва шабакае аз муттаҳидон эҷод карда, ки онро ба қудратмандтарин бозигари минтақаӣ табдил кардааст.
