Зариф: Эрониён ироадиҳандаи фарҳанг ва тамаддуне ҳазоронсола ҳастанд
Вазири хориҷаи Эрон бо табрики эҳдои ҷоизаи беҳтарин филми хориҷии Ҷашнвораи филми Оскар ба филми эронии "Фурӯшанда”, эрониёнро ироадиҳандаи фарҳанг ва тамаддуне ҳазоронсола унвон кард.
Филми "Фурӯшанда" сохтаи Асғари Фарҳодӣ, бомдоди Душанбе ҷоизаи беҳтарин филми хориҷиро дар ҳаштоду нуҳумин маросими эҳдои ҷавоизи академияи улум ва ҳунарҳои синамо (Оскар) касб кард .
Дар паёми Муҳаммадҷаводи Зариф, вазири хориҷаи Эрон омадааст: Эрон ба авомили филми “Фурӯшанда” барои касби Оскар ва истодан муқобили мамнуияти вуруди мусалмонон ба Амрико ифтихор мекунад .
Асғари Фарҳодӣ ва авомили филми “Фурӯшанда” дар эътироз ба фармони зидди муҳоҷиратии Доналд Трамп, раисҷумҳури Амрико дар маросими Оскар ширкат накарданд ва Ануша Ансорӣ, нахустин фазонаварди зани эронӣ ва Фирӯзи Нодирӣ, аз мудирони пешини НАСА, ба намояндагӣ аз онҳо дар маросими Оскар ҳузур ёфтанд .
Ин дуввумин Оскари Фарҳодӣ ва синамои Эрон аст. Фарҳодӣ дар соли 2012 ҳам барои филми “Ҷудоии нодир аз Симин” муваффақ ба касби ин ҷоиза шуда буд .
