Синамои Эрон 12 ҷоизаи байналмилалӣ касб кард

Тавлидоти синамои Эрон дар ҷашнвораҳои байналмилалӣ, ҷоизаҳо мутааддидеро дар шаш моҳи гузашта, касб кардааст.

Тавлидоти Анҷумани синамои ҷавонони Эрон, аз ҷумла 33 филми кӯтоҳ дар шаш моҳи гузашта бо ҳузур дар 62 ҷашнвораи байналмилалӣ, 12 ҷоизаи байналмилалӣ касб кардааст.

Филми эронии «Рӯтуш» бо ҳузур дар 10 ҷашнвора ва касби ҷоизаи беҳтарин филми кӯтоҳи достонии болои 15 дақиқа, дар ҷашнвораи «Palm Springs»-и Амрико ва муаррифӣ ба Оскар аз ин ҷашнвора, ҷоизаи беҳтарин филми кӯтоҳи ҷашнвораи «Traverse City»-и Амрико ва ҷоизаи тамошогарони ҷашнвораи «Villadukond»-и Португалия бештарин теъдоди ҳузури байналмилалиро ба номи худ сабт кардааст.

Филми кӯтоҳи эронии «Як он» низ ҷоизаи беҳтарин филми кӯтоҳи ҷашнвораи «Scopeto»-и Италия ва ҷоизаи аслии бахши «Ҷилвагоҳи Шарқ» ҷашнвораи «Фаҷр»-ро касб кардааст.

Дигар филмҳои кӯтоҳи тавлиди Анҷумани синамои ҷавонони Эрон низ бо ширкат дар ҷашнвораҳои байналмилалӣ дар Кореяи Ҷанубӣ, Амрико, Италия, Олмон, Бразилия, Африқои Ҷанубӣ, Австралия, Русия, Мексика, Ироқ, Утриш, Туркия, Юнон, Руминия, Венгрия ва Фаронса муваффақ ба касби ифтихор шудаанд.