Шиносоӣ ва боздошти аъзои як тими террористӣ дар Эрон
Июн 11, 2018 19:46 Asia/Dushanbe
Вазорати иттилооти Эрон 27 нафар аз аъзои як шабакаи террористиро, ки қасди ҷинояти густарда дар моҳи мубораки Рамазон ба вижа дар рӯзи Қудсро доштанд, шиносоӣ ва боздошт карданд.
Ин афрод қасди ноамн кардани Эрони исломӣ ва иҷрои силсила амалиёти террористӣ дар Теҳрон ва чанд шаҳри муҳимро доштанд ва бо интишори тасовире дар фазои маҷозӣ, миллати шарифи Эрони исломиро ба интиқом ва қатл таҳдид карда буданд, ки бо ҳушёрии нерӯҳои амниятӣ ва ҳамкории мақомоти қазоӣ ва нерӯҳои низомӣ ва интизомӣ, ба вижа полиси Фато, ҳамагии онон боздошт шуданд.
Аз ин шабакаи террористӣ силоҳ ва муҳиммот шомили чандин қабза аслиҳаи Калашников, култ, норинҷак, бомб ва таҷҳизоти сохти маводи инфиҷорӣ кашф ва забт шудааст.
