Кордори Иморот ба Вазорати хориҷаи Эрон эҳзор шуд
Сентябр 23, 2018 19:10 Asia/Dushanbe
Сухангуи Вазорати хориҷаи Эрон аз эҳзори кордори Имороти Арабии Муттаҳида дар Теҳрон ба далели изҳороти сахифи як мушовири сиёсии ин кишвар дар бораи ҳамлаи террористӣ дар Аҳвози Эрон хабар дод.
Баҳроми Қосимӣ, сухангуи Вазорати хориҷаи Эрон гуфт: Дар паи суханони сахифи як мушовири сиёсии иморотӣ дар бораи ҳамлаи террористии Аҳвоз, кордори Иморот дар Теҳрон ба Вазорати хориҷаи Эрон эҳзор ва эътирози Теҳрон ба изҳороти ғайримасъулонаи мушовири иморотӣ ба вай иблоғ шуд.
Қосимӣ афзуд: Ба кордори Иморот ҳушдор дода шуд, ҳимояти ошкор аз иқдомоти террористӣ тавассути афроде, ки вобаста ба марокизи расмии ин кишвар ҳастанд, ба эҷоди масъулият барои давлати Иморот мунҷар хоҳад шуд.