Баъидинажод: Сиёсати хориҷии Амрико ба шиддат таҳти таъсири сиёсатҳои Исроил қарор дорад
Сафири Эрон дар Англия гуфт: Сиёсати хориҷии Амрико ба шиддат таҳти таъсири сиёсатҳои Исроил қарор дорад ва ҳар сиёсат ва мавзееро, ки режими саҳюнистӣ бо он нигоҳи ифротгароёна ва ишғолгароёнааш намеписандад, ба таври табиӣ мавриди мухолифати Амрико қарор гирифтааст.
Ҳамиди Баъидинажод сафири Эрон дар Англия рӯзи панҷшанбе дар гуфтугӯ бо хабарнигорони эронӣ дар Лондон, дар бораи ороиши ҷадиди минтақаи ғарби Осиё бо хуруҷи неруҳои Амрико аз Сурия афзуд: Агар Амрико мехоҳад аз сиёсатҳои ғалати худ дар гузашта дарс бигирад, бояд талош кунад худро аз гаравгон будани Исроил озод кунад ва бипазирад, ки Ховари Миёна ва ҷануби Осиё минтақае аст, ки бар асоси иродаи озоди миллатҳо бояд шакл бигирад, на бар асоси нигоҳи саркӯбгароёна ва ишғолгароёнаи режими саҳюнистӣ, ки ҳамаи минтақаро мехоҳад фидои амният маснуъии худаш бикунад.
Баъидинажод дар бораи хуруҷи низомиёни Амрико аз Сурия тасреҳ кард: Раиси ҷумҳурии Амрико аз замони таблиғоти интихоботиаш ба ин матлаб ишора мекард, ки ҳузури Амрико дар минтақаи Ховари Миёна фақат барои ин кишвар хисоратбор буда ва ба натиҷае нарасидааст.
