Қадрдонии Италия аз талошҳои Эрон дар мубориза бо терроризм ва маводи мухаддир
Раиси маҷлиси сенои Италия аз талошҳои Эрон дар муқобила бо терроризм ва маводи мухаддир қадрдонӣ кард.
Петро Грассо - раис маҷлиси сенои Италия сешанбе шаб дар дидори Муҳаммадҷаводи Лориҷонӣ - дабири ситоди ҳуқуқи башари қувваи қазоияи Эрон, ки дар садри ҳайати олирутбаи қазоӣ ва ҳуқуқи башарӣ барои ширкат дар севумин даври гуфтугӯҳои дуҷониба ба Рим сафар кардааст, таъкид кард: Италия барои кишвари Эрон аҳамият ва эҳтироми зиёде қоил аст ва ба шиддат алоқаманд ба тақвияти ҳар чи бештари равобити худ бо Эрон дар ҳамаи заминаҳо аст.
Раис маҷлиси сенои Италия бо ишора ба гуфтугӯ ва таомулҳои ҳуқуқи башарӣ миёни Эрон ва Италия гуфт: Гуфтугӯҳои ҳуқуқи башарӣ ва қазоии Эрон ва Италия бисёр муассир буда ва мавриди таваҷҷуҳ қарор гирифтааст.
Петро Грассо ҳамчунин бо баёни инки терроризм барои Аврупо ва ҷаҳон хатари бисёр ҷиддӣ ва қобил тааммуле аст, бар зарурати густариши ҳамкорӣ дар ин замина бо Ҷумҳурии Исломии Эрон таъкид кард.
Лориҷонӣ низ, равобити Эрон ва Италияро таърихӣ донист ва гуфт: Баргузории севумин давр аз гуфтугӯҳои ҳуқуқи башарии ду кишвар нишонаи таомули хуби ду тараф дар ин замина аст.