Беҳбудии 114 ҳазор нафар аз мубталоён ба корона дар Эрон
Май 29, 2020 11:00 Asia/Dushanbe
Вазорати беҳдошти Эрон эълом кард, то кунун 114 ҳазору 931 нафар аз мубталоён ба корона дар кишвар дармон ва аз бемористонҳо мураххас шуданд.
Киёнӯши Ҷаҳонпур, раиси Маркази равобити умумӣ ва иттилоърасонии Вазорати беҳдошти Эрон рӯзи ҷумъа дар гуфтугӯ бо хабарнигорон дар бораи охирин омори мубталоён ба корона дар Эрон гуфт, дар 24 соати гузашта 2 ҳазору 819 бемори ҷадид шиносоӣ шудаанд.
Ҷаҳонпур афзуд, аз байни мубталоёни ҷадид 547 нафар бистарӣ шуданд ва маҷмуъ беморони “ковид -19” дар Эрон ба 146 ҳазору 668 нафар расид.
Раиси Маркази равобити умумӣ ва иттилоърасонии Вазорати беҳдошти Эрон ҳамчунин бо ишора ба фавти 50 бемор дар 24 соати гузашта гуфт, фавти ношӣ аз корона дар Эрон ба 7 ҳазору 677 нафар расидааст.