Оғози расмии соли таҳсилии донишгоҳҳо дар Эрон
Маросими расмии бозгушоии донишгоҳҳо ва марокизи омӯзиши олӣ дар Эрон имрӯз (якшанбе) бо ҳузури маҷозии раиси Ҷумҳурии Исломии Эрон дар Донишгоҳи Теҳрон оғоз шуд.
Ба гузориши хабаргузории Садо ва симо, дар маросими оғози соли таҳсилии донишгоҳҳо ва марокизи омӯзиши олии Эрон, вазирони улум, таҳқиқот ва фанноварӣ ва беҳдошт, дармон ва омӯзиши пизишкӣ, раисони донишгоҳҳо ва марокизи омӯзиши олии Эрон ва низ ҷамъе аз намояндагони донишҷӯӣ бо риояти шеваномаҳои беҳдоштӣ ҳузур ёфтанд.
Ҳасани Рӯҳонӣ, раиси Ҷумҳурии Исломии Эрон ба сурати иртиботи тасвирӣ дар ин маросим ширкат ва суханронӣ мекунад.
Дарсҳои беш аз се миллиону 700 ҳазор донишҷӯи донишгоҳҳои Эрон бо таваҷҷуҳ ба тасвиби Ситоди миллии мудирияти куруно дар ин кишвар ба сурати таркибӣ (ҳузурӣ ва маҷозӣ) баргузор мешавад.